ഇന്ന് നമുക്ക് കല്ലുമ്മക്കായ തോരന്‍ ഉണ്ടാക്കുന്നത് എങ്ങിനെയാണെന്ന് നോക്കാം ..ഇതിനു വേണ്ട ചേരുവകള്‍ പറയാം
കല്ലുമ്മക്കായ
മഞ്ഞള്‍പൊടി
ഉപ്പ്
കുരുമുളക് പൊടി
തേങ്ങാപ്പീര
കാശ്മീരി മുളക്‌പൊടി
ഇഞ്ചി –
വെളുത്തുള്ളി
സവാള
പച്ചമുളക്
കറിവേപ്പില
മസാല പൊടി
വെളിച്ചെണ്ണ
കടുക്
ഇതുണ്ടാക്കേണ്ട വിധം
നന്നായി കഴുകി വെള്ളം കളഞ്ഞ കല്ലുമ്മക്കായ ഒരു പാത്രത്തില്‍ എടുക്കുക. അതിലേക്ക് ഒന്നര ടീസ്പൂണ്‍ മഞ്ഞള്‍പൊടി, ഒന്നര ടീസ്പൂണ്‍ ഉപ്പ്, ഒരു
ടീസ്പൂണ്‍ കുരുമുളകുപൊടി എന്നിവ ചേര്‍ത്ത് നന്നായി മിക്സ് ചെയ്ത് 15 – 30 മിനിറ്റ് വരെ അടച്ചുവയ്ക്കുക. അരപ്പ് നന്നായി പിടിച്ച ശേഷം ഇത് ഒരു പ്രഷര്‍ കുക്കറില്‍ മൂന്നു വിസില്‍ വരുംവരെ വേവിക്കുക. കൂടുതല്‍ വിസില്‍ വേണ്ട അതിനുശേഷംഇത് വെയിറ്റ് എടുക്കാതെ പ്രഷര്‍ പോകാന്‍ ആയിട്ട് വയ്ക്കണം ഈ ആവിയില്‍ ഇത്നല്ല പാകത്തിന് വെന്തു കിട്ടും ..പ്രഷര്‍ എല്ലാം പോയ ശേഷം നമുക്ക് കുക്കര്‍ തുറന്നിട്ട്‌ ചെറു തീയില്‍ ഇട്ടു ഇതിലെ വെള്ളം എല്ലാം വറ്റിച്ചു എടുക്കണം ..മൂടിവയ്ക്കാതെ തുറന്നുവച്ച് വേണം വറ്റിച്ചു എടുക്കാന്‍ . ഇനി മൂന്നു കപ്പ് തേങ്ങാപ്പീര, ഒരു ടീസ്പൂണ്‍ മഞ്ഞള്‍പൊടി, രണ്ടു ടീസ്പൂണ്‍ മുളകുപൊടി, ഒരു ടീസ്പൂണ്‍ കുരുമുളകുപൊടി, ഒന്നര ടീസ്പൂണ്‍ ഉപ്പ് എന്നിവ മിക്സിയില്‍ മൂന്നോ നാലോ സെക്കന്‍ഡ് നേരം ഇട്ട് ഒന്ന് ക്രേഷ് ചെയ്തു എടുക്കുക.
അതിനുശേഷം ഒരു ചീനച്ചട്ടി അടുപ്പത് വച്ച് അതിലേയ്ക്ക് വെളിച്ചെണ്ണ ഒഴിച്ച് ചൂടാകുമ്പോള്‍ കടുക പൊട്ടിക്കണം അതിനുശേഷം അരിഞ്ഞു വെളുത്തുള്ളിയും ഇഞ്ചിയും ചേര്‍ത്ത് നന്നായി മൂപ്പിക്കണം ഇനി ഇതിലേയ്ക്ക് സവാളയും പച്ചമുളകും ഇട്ടു ബ്രൌണ്‍ നിറം ആകുംവരെ വഴറ്റണം. അതിനുശേഷം ഇതിലേയ്ക്ക് ക്രെഷ് ചെയ്തു വച്ചിരിക്കുന്ന തേങ്ങാ ക്കൂട്ട് ചേര്‍ക്കുക കറിവേപ്പിലയും ചേര്‍ത്ത് നന്നായി വഴറ്റുക തേങ്ങയുടെ പച്ചമണം മാറുമ്പോള്‍ വേവിച്ചു വച്ചിരിക്കുന്ന കല്ലുമ്മക്കായ ഇതിലേയ്ക്ക് ചേര്‍ത്ത് നന്നായി ഇളക്കണം മാസല പൊടി ചേര്‍ത്ത് ഇതൊന്നു കുറച്ചു നേരം ചെറു തീയില്‍ ഇട്ടു മൂടി വച്ച് അല്‍പനേരം കൂടി വേവിക്കാം …ഇതിലെ മസാല എല്ലാം കല്ലുംമാക്കായില്‍ നല്ലവണ്ണം പിടിക്കട്ടെ .അതിനു ശേഷം ഇറക്കി വയ്ക്കാം .
കല്ലുമ്മക്കായ തോരന്‍ റെഡി
ഇത് നമുക്ക് ചോറിന്റെ ഒപ്പം ഒക്കെ കഴിക്കാന്‍ വളരെ ടേസ്റ്റി ആയിട്ടുള്ള ഒന്നാണ് ..എല്ലാവരും ഇതുണ്ടാക്കി നോക്കണം വളരെ എളുപ്പമാണ് ഇതുണ്ടാക്കാന്‍ ..ഇഷ്ട്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്തു കൊടുക്കുക..ഈ പേജ് ഇതുവരെ ലൈക്‌ ചെയ്തിട്ടില്ലെങ്കില്‍ ഉടന്‍ ലൈക്‌ ചെയ്യുക പുതിയ പോസ്റ്റുകള്‍ നിങ്ങളുടെ ടൈം ലൈനില്‍ ലഭിക്കും
