ഒരുപാട് ഗുണങ്ങൾ ഉള്ള ഒരു പച്ചക്കറിയാണ് വെണ്ടയ്ക്ക, ചെറിയ ഒരു വഴുവഴുപ്പുള്ളതുകൊണ്ട് അധികം ആർക്കും ഇഷ്ടമല്ലാത്ത ഒരു പച്ചക്കറി കൂടിയാണ് ഇത്, സാമ്പാറിലും മറ്റും ഒക്കെ ചേർത്ത് കഴിക്കും എങ്കിലും മാറ്റിവയ്ക്കാർ ആണ് പതിവ്, ധാരാളം ഫൈബർ അടങ്ങിയ വെണ്ടയ്ക്ക കഴിക്കുന്നത് നല്ല ദഹനത്തിനും ശോധനയ്ക്കും സഹായിക്കും, എല്ലാവർക്കും ഇഷ്ടപ്പെടുന്ന രീതിയിൽ ഒരു വെണ്ടയ്ക്ക മസാല തയ്യാറാക്കാം.ചോറിനൊപ്പം പലഹാരത്തിന് ഒപ്പം ഒക്കെ കഴിക്കാൻ നല്ല കോമ്പിനേഷൻ ആണ് ഇത്.
ഇത് തയ്യാറാക്കാനായി ഒരു പാനിലേക്ക് എണ്ണയൊഴിച്ച് ചൂടാക്കുക ഇതിലേക്ക് വെണ്ടയ്ക്ക കഷണങ്ങൾ ചേർത്ത് കൊടുത്തു വഴറ്റിയെടുക്കണം.വെണ്ടയ്ക്ക നന്നായി വാടി വന്നുകഴിഞ്ഞാൽ പാനലിൽനിന്നും മാറ്റാം, ശേഷം ചെറുതായി അരിഞ്ഞ സവാള ചേർത്ത് കൊടുത്തു വഴറ്റിയെടുക്കുക, ഗോൾഡൻ ബ്രൗൺ നിറമാകുമ്പോൾ ഒരു തക്കാളി മിക്സിയിൽ അടിച്ചത് ഇതിലേക്ക് ചേർത്ത് കൊടുക്കാം, ഇത് നന്നായി ഇളക്കി യോജിപ്പിക്കണം അടുത്തതായി ഒരു ടേബിൾസ്പൂൺ വീതം മുളകുപൊടിയും മല്ലിപ്പൊടിയും , അറ ടീസ്പൂൺ വീതം ജീരകപ്പൊടിയും മഞ്ഞൾപൊടിയും ആവശ്യത്തിന് ഉപ്പ് എന്നിവ ചേർക്കാം, പൊടികളുടെ പച്ചമണം മാറുന്നതുവരെ വഴറ്റണം, ഇനി അൽപം വെള്ളം ചേർത്ത് കൊടുത്തു തിളപ്പിച്ച് എടുക്കണം നന്നായി വറ്റി വരുമ്പോൾ അരക്കപ്പ് തൈര് ഇതിലേക്ക് ചേർക്കാം.നന്നായി ഇളക്കി യോജിപ്പിച്ചതിനുശേഷം തിളയ്ക്കാൻ വയ്ക്കുക വറ്റി വന്നുകഴിഞ്ഞാൽ വെണ്ടയ്ക്ക ചേർത്തു കൊടുക്കാം, എല്ലാംകൂടി യോജിപ്പിച്ചതിനുശേഷം എണ്ണ തെളിയുന്നതുവരെ തിളപ്പിക്കണം ശേഷം തീ ഓഫ് ചെയ്യാം.
വിശദമായ റെസിപ്പിക്കായി ഈ വീഡിയോ മുഴുവൻ കാണുക ,ഡെയിലി അപ്പ്ഡേറ്റ്സ് കിട്ടാൻ ഈ പേജ് ഫോളോ ചെയ്യുക, ഈ റെസിപ്പി ഇഷ്ടമായിട്ടുണ്ടെങ്കിൽ , ഫ്രണ്ട്സിനും,ഫാമിലിക്കും ഷെയർ ചെയ്തു കൊടുക്കുക ഒപ്പം ഇതുപോലുള്ള വിഡിയോകൾക്കായി ഈ ചാനൽ സബ്സ്ക്രൈബ് ചെയ്യുക IF HUNGRY THEN COOK!
